ཨིཛ་རེལ་གྱིས་ ལེ་བ་ནཱོན་གྱི་ས་གནས་ བཱལ་བེག་ལུ་གནོད་འཚུབ།

ཨཱལ་ཇ་ཟི་ར།
སྤྱི་ཟླ་ ༡༠ པའི་ཚེས་ ༣༡ ལུ་ ཨིཛ་རེལ་གྱི་ དམག་མི་ཚུ་གིས་ ལེ་བ་ནཱོན་གྱི་ འབྱུང་རབས་ཅན་གྱི་ ས་གནས་བཱལ་བེག་ཟེར་སར་ མཁའ་ཐོག་ལས་ གནོད་འཚུབ་བཀལ་ཏེ་ ཨམ་སྲུ་ ༨ ཀྱིས་གཙོས་པའི་ མི་གྲངས་ ༡༩ དམར་བསད་འབད་ཡོདཔ་ཨིན་པས།
དེ་བཟུམ་སྦེ་ པེ་ལིཛ་ཊིན་གྱི་ཁྲོམ་ཚོགས་ ག་ཟའི་བྱང་ཕྱོགས་ལུ་ཡང་ ཨིཛ་རེལ་གྱི་ དམག་མི་ཚུ་གིས་ གོ་མཚོན་སྟོབས་ཚུ་ ལག་ལེན་འཐབ་སྟེ་ ཇ་བ་ལི་ཡ་ སྐྱབས་བཅོལ་བའི་སྒར་ཚུ་གུ་ གནོད་འཚུབ་ཁ་སྐོང་བཀལ་ནུག།
དེ་ཡང་ ག་ཟའི་བྱང་ཕྱོགས་ས་ཁོངས་དེ་ ཨིཛ་རེལ་གྱིས་ དབང་གནོན་འབད་དེ་ཡོདཔ་ད་ ས་ཁོངས་དེ་ནང་ མི་གྲངས་བརྒྱ་ཕྲག་ལས་བཅད་དེ་ དམར་བསད་འབད་ཡོདཔ་མ་ཚད་ སྟོང་ཕྲག་ལས་བཅད་མི་ཚུ་ལུ་ཡང་ བཟའ་ཆས་དང་ འཐུང་ཆུ་ སྨན་ཚུ་མ་ཐོབ་པའི་ དཀའ་ངལ་སྦོམ་སྦེ་ར་ བྱུང་སྟེ་ཡོདཔ་ཨིན་པས།
ལེ་བ་ནཱོན་ལུ་ཡོད་མི་ འཛམ་གླིང་སྤྱི་ཚོགས་ཀྱི་ ཞི་བདེ་སྲུང་སྐྱོབ་དམག་སྡེ་ལུ་ཡང་ སྤྱི་ཟླ་ ༡༠ པའི་ནང་ གནོད་འཚུབ་ལན་ཐེངས་ ༣༠ བཀལ་ནི་གི་ དཔའ་བཅམ་མི་ལས་ ལན་ཐེངས་ ༢༠ དེ་ཅིག་ ཨིཛ་རེལ་གྱིས་ ཆེད་དུ་དམིགས་ཏེ་ གནོད་འཚུབ་བཀལ་ཐབས་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: