ལྷོ་ཀོ་རི་ཡའི་ སྲིད་འཛིན་གྱིས་ རྒྱལ་ཁབ་ལུ་ གནོད་ཉེན་བརྩམས་པའི་ དོགས་པ་ལུ་བརྟེན་ཏེ་ ཁྲིམས་སྲུང་འགག་སྡེ་གིས་དབྱེ་ཞིབ།

ཨཱལ་ཇ་ཟི་ར།
ལྷོ་ཀོ་རི་ཡའི་སྲིད་འཛིན་ ཡུན་སུག་ཡེ་ཨོལ་གྱིས་ རྒྱལ་ཁབ་ནང་ དྲག་པོའི་ཁྲིམས་ལུགས་ བཙུགས་ནི་གི་ དཔའ་བཅམ་མི་དེ་ རྒྱལ་ཁབ་ལུ་ གནོད་ཉེན་བརྩམས་ཡོད་པའི་ དོགས་པ་ཡོདཔ་ལས་ ཁྲིམས་སྲུང་འགག་སྡེ་གིས་ དབྱེ་ཞིབ་ཅིག་ འགོ་བཙུགས་ཡོདཔ་ཨིན་པས།
དེ་ཡང་ སྤྱི་ཟླ་ ༡༢ པའི་ཚེས་ ༣ ལུ་ སྲིད་འཛིན་ཡུན་སུག་གིས་ རྒྱལ་ཁབ་ནང་ དུས་ཡུན་ཐུང་ཀུ་ཅིག་གི་རིང་ལུ་ དྲག་པོའི་དམག་མི་ཚུ་ འབོད་བཀུག་འབད་དེ་ དྲག་པོའི་ཁྲིམས་གཞུང་ གསལ་བསྒྲགས་འབད་ནུག།
དེ་འབདཝ་ལས་ སྤྱི་ཟླ་ ༡༢ པའི་ཚེས་ ༥ ལུ་ རྒྱལ་ཡོངས་ཁྲིམས་སྲུང་ལས་སྡེ་གིས་ སྲིད་འཛིན་དེ་ལུ་ དབྱེ་ཞིབ་འབད་དགོ་པའི་ བཀོད་རྒྱ་བཏང་ཡོདཔ་ཨིན་པས།
དེ་མ་ཚད་ སྲུང་སྐྱོབ་བློན་པོ་བགྲེསཔ་ ཀིམ་ཡོང་ཧུན་དང་ དམག་སྡེའི་གཙོ་འཛིན་ དམག་སྤྱི་པཱག་ཨཱན་སུ་ ནང་སྲིད་བློན་པོ་ ལི་སང་མིན་ ༣ ལུ་ཡང་ རྒྱལ་ཁབ་ལུ་ གནོད་ཉེན་བརྩམས་ཡོད་པའི་ ཉེས་འཛུགས་ཚུ་ བཀལ་ནུག་ཟེར་ བཀོད་འདུག་པའི་གནས་ཚུལ།

Please follow and like us: