ཇར་མ་ནི་གིས་ དམག་སྡེའི་ས་ཁོངས་ནང་ འཕུར་འགྲུལ་འབད་མི་ གནམ་གྲུ་ཌཱོན་ཚུ་ ཕབ་གཏང་ནི།

བི་བི་སི།
སྤྱི་ཟླ་ ༡ པའི་ཚེས་ ༡༥ ལུ་ ཇར་མ་ནིའི་ ལྷན་རྒྱས་གཞུང་ཚོགས་ལས་ དྲག་པོའི་དམག་སྡེ་ལུ་ དམག་སྡེའི་ས་ཁོངས་དང་ གནད་འགག་ཅན་གྱི་ གཞི་རྟེན་མཐུན་རྐྱེན་ཚུ་གི་ ཉེ་འདབས་ལུ་ དོགས་པ་ཅན་གྱི་ མཁའ་དམག་གནམ་གྲུ་ཆུང་བ་ཌཱོན་ཚུ་ འཕུར་འགྲུལ་འབད་བ་ཅིན་ ཕབ་གཏང་ཆོག་པའི་ དབང་ཚད་གནང་ནུག།
དེ་ཡང་ ར་ཤི་ཡའི་སྲིད་འཛིན་ ཝི་ལ་ཌི་མིར་ པུ་ཊིན་གྱིས་ ཡུ་ཀེ་རེན་ལུ་ བཙན་འཛུལ་གྱི་ཤུལ་ལས་ གནམ་གྲུ་ཌཱོན་ཚུ་ འཕྲལ་འཕྲལ་སྦེ་ར་ ལག་ལེན་འཐབ་ནི་དེ་གིས་ ཁྲིམས་སྲུང་འགག་སྡེ་དང་ འཕྲུལ་རིག་ཚུ་ལུ་ གདོང་ལན་སྦོམ་སྦེ་ར་ ཐོན་མས་ཟེར་ཨིན་པས།
ར་ཤི་ཡ་གིས་ ཡུ་ཀེ་རེན་ལུ་ རྒྱབ་སྐྱོར་འབད་མི་ ནུབ་ཕྱོགས་རྒྱལ་ཁབ་ཚུ་ལུ་ དངོས་མེད་དམག་འཁྲུག་ འགོ་བཙུགས་ཡོད་པའི་ དོགས་པ་ཡོད་མི་དེ་ཡང་ རྒྱལ་སྤྱིའི་གནམ་གྲུ་ཚུ་དང་ གཞི་རྟེན་མཐུན་རྐྱེན་ཚུ་ལུ་ གནོདཔ་བཀལ་བའི་ཁར་ དམངས་གཙོའི་བཙག་འཐུ་ཚུ་ནང་ཡང་ བར་ཆད་རྐྱབ་ནི་གི་ དཔའ་བཅམ་ཡོད་པའི་ ཁ་ཉེས་ཚུ་ བཀལ་ཡོད་རུང་ ཁ་བཟེད་མ་བཏུབ་སྦེ་བཀོད་ནུག།
ར་ཤི་ཡའི་ སྲིད་འཛིན་པུ་ཊིང་གིས་ ཡུ་ཀེ་རེན་ལུ་ དམག་རྒྱ་ཆེ་དྲགས་སྦེ་ རྐྱབ་ནི་དེ་ སྤྱི་ལོ་ ༢༠༢༢ ལོར་ འགོ་བཙུགས་ནུག་ཟེར་ བཀོད་འདུག་པའི་གནས་ཚུལ།
འཇམ་དབྱངས་ཆོས་སྒྲོན།

Please follow and like us: