ཨ་མི་རི་ཀའི་ སྐྱེལ་འདྲེན་གནམ་གྲུ་དང་ དམག་སྡེའི་གནམ་གྲུ་ ཧེ་ལི་ཀོབ་ཊར་ ༢ ཀྱི་བར་ན་ཐུག་རྐྱེན།

རོའི་ཊརཛ།
སྤྱི་ཟླ་ ༡ པའི་ཚེས་ ༢༩ གི་ནུབ་མོར་ ཨ་མི་རི་ཀའི་ ལུང་ཕྱོགས་སྐྱེལ་འདྲེན་གནམ་གྲུ་དང་ ཡུ་ཨེཛ་དམག་སྡེའི་ གནམ་གྲུ་ཧེ་ལི་ཀོབ་ཊར་ ༢ མཁའ་དབྱིངས་ལུ་ ཁ་ཐུག་རྐྱབ་པའི་ཤུལ་ལས་ རི་གཱན་ཝ་ཤིང་ཊཱོན་ རྒྱལ་ཡོངས་གནམ་ཐང་གི་ སྦོ་ལོགས་ཁར་ པོ་ཊོ་མེག་ གཙང་ཆུའི་ནང་ བུད་སོངཔ་ཨིན་པས།
དེ་སྦེ་ བུད་བའི་ཤུལ་ལས་ པོ་ཊོ་མེག་ གཙང་ཆུའི་ནང་ལས་ ཕུངམོ་ལེ་ཤ་ཅིག་ བཏོན་ཡོད་རུང་ ད་ཚུན་གྱི་བར་ན་ མི་ཤི་བར་ གསོན་པོ་སྦེ་ལུས་མི་ ཕུད་རྡོག་ ༡ ཡང་ མ་ཐོབ་ཟེར་ཨིནམ་ད་ དེ་བསྒང་ ཨ་མི་རི་ཀའི་ ལུང་ཕྱོགས་སྐྱེལ་འདྲེན་གནམ་གྲུའི་ནང་ གནམ་གྲུའི་ལས་བྱེདཔ་ ༤ དང་ འགྲུལ་པ་ ༦༠ འབདཝ་ད་ མི་གྲངས་བསྡོམས་ ༦༤ དང་ གནམ་གྲུ་ཧེ་ལི་ཀོབ་ཊར་ནང་ དམག་མི་ ༣ སྡོད་ཡོདཔ་ཨིན་པས།
ཡུ་ཨེཛ་དམག་སྡེ་གིས་ དེ་སྦེ་ ཐུག་རྐྱེན་བྱུང་མིའི་ནང་ གྲལ་གཏོགས་ཡོད་མི་ གནམ་གྲུ་ཧེ་ལི་ཀོབ་ཊར་དེ་ ཝིར་ཇི་ནི་ཡ་ ཕོཊ་བེལ་ཝོ་ཡིར་ དམག་སྡེའི་གནམ་གྲུ་ཨིན་པའི་ ངོས་འཛིན་བྱུང་ཡོདཔ་སྦེ་ གསལ་བསྒྲགས་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: