ཡུ་ཀེ་རེན་གྱིས་ ར་ཤི་ཡའི་ ཁྲོམ་ཚོགས་ཅིག་ནང་ མི་ཛ་ཡེལ་ ༤ བཏང་ཐོག་ལས་ ས་སྣུམ་འཕྲུལ་ཁང་ཅིག་ལུ་གནོད་སྐྱོན།

བི་བི་སི།
སྤྱི་ཟླ་ ༡ པའི་ཚེས་ ༢༩ ལུ་ ཡུ་ཀེ་རེན་གྱིས་ བཤད་དོ་བཟུམ་འབད་བ་ཅིན་ ཁོང་གི་དམག་མི་ཚུ་གིས་ ཀི་ལོ་མི་ཊར་ ༨༠༠ དེ་ཅིག་གི་ ས་ཁར་ཡོད་མི་ ར་ཤི་ཡའི་ ཁྲོམ་ཚོགས་ཅིག་ནང་ མི་ཛ་ཡེལ་ ༤ བཏང་ཐོག་ལས་ ས་སྣུམ་འཕྲུལ་ཁང་ཅིག་ལུ་ གནོད་སྐྱོན་བྱུང་ནུག་ཟེར་ཨིན་པས།
ཨིན་རུང་ འགྲོ་བ་མི་ལུ་ གནོད་སྐྱོན་བྱུང་པའི་ སྙན་ཞུ་མེདཔ་མ་ཚད་ ས་གནས་གཞན་ཅིག་གི་ནང་ཡང་ མཁའ་དམག་གནམ་གྲུ་ཆུང་བ་ ཌཱོན་ཅིག་གིས་ ཞི་བའི་མི་སེར་གྱི་ གཞི་རྟེན་མཁོ་ཆས་ལུ་ གནོད་འཚུབ་བཀལ་མིའི་ནང་ཡང་ མི་ལུ་གནོད་སྐྱོན་བྱུང་པའི་ ལོ་རྒྱུས་མིན་འདུག་ཟེར་བཀོད་ནུག།
ར་ཤི་ཡ་གིས་ སྤྱི་ལོ་ ༢༠༢༢ སྤྱི་ཟླ་ ༢ པའི་ནང་ ཡུ་ཀེ་རེན་ལུ་ བཙན་འཛུལ་འབད་ཞིནམ་ལས་ཚུར་ ཡུ་ཀེ་རེན་གྱིས་ འཕྲལ་འཕྲལ་སྦེ་ར་ གནོད་འཚུབ་བཀལ་མི་ བེལ་གོ་རོཌ་ལུང་ཕྱོགས་ནང་ ཨའི་དང་སྦྲགས་ཏེ་ ཨ་ལོ་ཆུང་ཀུ་ཅིག་ཡང་ བསད་ཡོདཔ་ཨིན་པས།
ར་ཤི་ཡ་གིས་ ཡུ་ཀེ་རེན་གྱི་ ཌཱོན་ ༡༠༠ ལྷགཔ་ཅིག་ ཕབ་བཏང་ཡོདཔ་ལས་ སེན་པི་ཊར་བཱག་དང་ ཀ་ཟན་གནམ་ཐང་ཚུ་ནང་ ལཱ་འབད་ནི་ཚུ་ཡང་ མཚམས་འཇོག་འབད་ཡོདཔ་ད་ ཡུ་ཀེ་རེན་གྱིས་ ཕྱད་མདའ་ལག་ལེན་འཐབ་མི་ ས་ཁོངས་སྦོམ་ཤོས་ཅིག་ཨིནམ་ལས་ བདུན་ཕྲག་འདི་ནང་ ཌཱོན་གྱི་ཐོག་ལས་ གནོད་འཚུབ་བཀལ་མི་དེ་ ལན་ཐེངས་ ༢ པ་ཨིནམ་སྦེ་བཀོད་ནུག།
ཡུ་ཀེ་རེན་ དམག་སྡེ་གིས་ བཤད་དོ་བཟུམ་འབད་བ་ཅིན་ ལུང་ཕྱོགས་ ༩ གི་ནང་ ར་ཤི་ཡའི་ མཁའ་དམག་གནམ་གྲུ་ཆུང་བ་ ཌཱོན་ ༢༩ ཕབ་བཏང་ཡི་ཟེར་ཨིནམ་ད་ ར་ཤི་ཡ་གིས་ ཡུ་ཀེ་རེན་ལུ་ བཙན་འཛུལ་འབད་དེ་ ལོ་ངོ་ ༣ སོང་ཡོདཔ་ཨིན་པས།
ག་དེ་སྦེ་ར་ཨིན་རུང་ ཡུ་ཀེ་རེན་གྱི་ དམག་མི་ཚུ་གིས་ ར་ཤི་ཡའི་ ཀུརཛ་ལུང་ཕྱོགས་ནང་ ཀི་ལོ་མི་ཊར་བརྒྱ་ཕྲག་གྲུ་བཞི་ བཙད་བཟུང་འབད་མི་དེ་ འཕྲོ་མཐུད་དེ་ར་ བདག་འཛིན་འཐབ་སྟེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: