རྒྱ་གར་ལུ་ ཆོས་འབྲེལ་དུས་སྟོན་ཅིག་ནང་ མི་གྲངས་ ༣༠ ལུ་ ཤི་རྐྱེན་དང་ ༦༠ ལུ་རྨ་སྐྱོན།

ཨཱལ་ཇ་ཟི་ར།
སྤྱི་ཟླ་ ༡ པའི་ཚེས་ ༢༩ ལུ་ རྒྱ་གར་གྱི་ བྱང་ཕྱོགས་ཁྲོམ་སྡེ་ པར་ཡ་ག་རཇ་ཟེར་སར་ འཛམ་གླིང་ནང་ ཆོས་དང་འབྲེལ་བའི་ དུས་སྟོན་སྦོམ་ཤོས་ཅིག་ཨིན་མི་ བརྩི་སྲུང་ཞུ་བའི་སྐབས་ལུ་ མི་མང་ལེ་ཤ་ཅིག་ སྤུངས་འཛོམས་འབད་ཡོདཔ་ལས་ ཨེབ་ཏ་རྐྱབ་པའི་ རྐྱེན་ངན་ནང་ མི་གྲངས་ ༣༠ ལུ་ ཤི་རྐྱེན་དང་ ༦༠ ལུ་ རྨ་སྐྱོན་བྱུང་ནུག།
དེ་ཡང་ ཨུཏ་ཏར་པར་དེཤ་གི་ གཙོ་འཛིན་བློན་པོ་ ཡོ་གི་ཨ་དི་ཏི་ཡ་ནཐ་གིས་ བཤད་དོ་བཟུམ་འབད་བ་ཅིན་ སྤྱི་ཟླ་ ༡ པའི་ཚེས་ ༢༩ གི་དྲོ་པར་ མངའ་སྡེ་དེ་ནང་ཡོད་མི་ པར་ཡ་ག་རཇ་ལུ་ གནས་སྐོརཔ་ཚུ་ བཀག་ར་གུ་ལས་མཆོང་སྟེ་ གཙང་ཆུའི་ནང་ ཁྲུས་འབད་བར་ འགྱོ་བའི་སྐབས་ལུ་ བྱུང་ནུག་ཟེར་ཨིན་པས།
རྐྱེན་ངན་དེ་ བྱུང་པའི་སྐབས་ལུ་ སྐྱེས་ལོ་ ༤༨ འབད་མི་ གནས་སྐོརཔ་རེ་ནུ་དེ་ཝི་དེ་ བཀག་རའི་སྦོ་ལོགས་ཁར་ སྡོད་ཡོདཔ་ལས་ མི་སེར་ཚུ་ འགྱོ་བའི་སྐབས་ལུ་ མི་རྒན་ཤོས་དང་ ཨམ་སྲུ་ཚུ་ བསྣད་དེ་འབད་རུང་ རོགས་རམ་འབད་མི་ མི་ཕུད་རྡོག་ཅིག་ཡང་ ཐོན་ནི་མིན་འདུག་ཟེར་ཨིན་པས།
དེ་བསྒང་ དུས་སྟོན་དེ་ཁར་ མི་སེར་ས་ཡ་ ༣༠ དེ་ཅིག་ སྤུངས་འཛོམས་འབད་ཡོདཔ་སྦེ་ གཙོ་འཛིན་བློན་པོ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: