མི་དབང་མཆོག་གིས་ རྒྱལ་པོའི་ཞིང་དང་ པདྨ་ཐང་ལུ་ རྒྱལ་སྲུང་སྦྱོང་བརྡར་བ་ཚུ་དང་མཇལ་ཕྲད།

པདྨ་དབང་འདུས།
སྤྱི་ཟླ་ ༢ པའི་ཚེས་ ༢༡ ལུ་ མི་དབང་མངའ་བདག་རིན་པོ་ཆེ་མཆོག་གིས་ མོང་སྒར་རྒྱལ་པོའི་ཞིང་དང་ བསམ་གྲུབ་ལྗོངས་མཁར་ པདྨ་ཐང་ རྒྱལ་སྲུང་སྦྱོང་བརྡར་སྤེལ་ཁང་ ༢ ཀྱི་ནང་ རྒྱལ་སྲུང་སྦྱོང་བརྡར་དང་པའི་ ཤོ་ཐེངས་ ༢ པའི་ རྒྱལ་སྲུངཔ་ཚུ་དང་ མཇལ་ཕྲད་མཛད་གནང་ནུག།
དེ་ཡང་ སྤྱི་ལོ་ ༢༠༢༤ སྤྱི་ཟླ་ ༡༢ པའི་ནང་ལས་ རྒྱལ་སྲུང་སྦྱོང་བརྡར་སྤེལ་ཁང་ ༤ གི་ནང་ འགོ་བཙུགས་མི་ རྒྱལ་སྲུང་ཤོ་ཐེངས་ ༢ པའི་ སྦྱོང་བརྡར་དེ་ དུས་ཅི་ སྤྱི་ཟླ་ ༣ པའི་ནང་ མཇུག་བསྡུ་ནི་ཨིན་པས།
འབྲུག་གི་རྒྱལ་ཡོངས་ཞབས་ཏོག་ རྒྱལ་སྲུང་དེ་ མི་དབང་མངའ་བདག་རིན་པོ་ཆེ་མཆོག་གི་ མཁྱེན་རྒྱ་ཆེ་བའི་ འབྱུང་རབས་ཀྱི་ ལས་དོན་ཅིག་ཨིནམ་མ་ཚད་ རྒྱལ་ཡོངས་གཞི་སྒྱུར་གྱི་ གསར་བཏོད་ལས་དོན་ཅིག་ཡང་ཨིན་པས།
རྒྱལ་སྲུང་སྦྱོང་བརྡར་ལས་རིམ་དེ་གིས་ རྒྱལ་ཁམས་ཀྱི་དོན་ལས་ མ་འོངས་ལེགས་བསྒྱུར་ གཏང་ཐབས་ལུ་ འབྲུག་གི་ན་གཞོན་ཚུ་ལུ་ རིག་རྩལ་དང་ སྒྲིག་འཛིན་ དེ་ལས་ མཉམ་གཅིག་སྦོམ་ནི་གི་ གོ་སྐབས་ཚུ་ ཐོབ་ཨིན་པའི་གནས་ཚུལ།

Please follow and like us: