ཨིཛ་རེལ་གྱིས་ པེ་ལིཛ་ཊིན་གྱི་ ག་ཟ་ཁྲོམ་ཁར་ པེ་ལིཛ་ཊིན་གྱི་ མི་སེར་ ༧༠ ལྷགཔ་ཅིག་དམར་བསད།

ཨཱལ་ཇ་ཟི་ར།
ཨིཛ་རེལ་གྱིས་ པེ་ལིཛ་ཊིན་གྱི་ ག་ཟ་ཁྲོམ་ཁར་ གནོད་འཚུབ་ཡང་བསྐྱར་ བཀལ་དོ་ཡོད་པའི་ནང་ལས་ སྤྱི་ཟླ་ ༣ པའི་ཚེས་ ༢༠ གི་དྲོ་པར་ གནོད་འཚུབ་ཉིན་གྲངས་ ༣ པའི་ནང་ ག་ཟ་ལྷོ་བྱང་ ༢ ལུ་ རྫས་བམ་ཚུ་བསྐྱུར་ཏེ་ པེ་ལིཛ་ཊིན་གྱི་ མི་སེར་ ༧༠ ལྷགཔ་ཅིག་ དམར་བསད་འབད་ཡོདཔ་མ་ཚད་ གཞན་མི་ལེ་ཤ་ཅིག་ལུ་ཡང་ རྨ་སྐྱོན་ཚུ་ བྱུང་ཡོདཔ་ཨིན་པས།
དེ་ཡང་ ཁཱན་ཡུ་ནིཛ་ཟེར་སར་ ཨིཛ་རེལ་གྱིས་ སྡོད་ཁྱིམ་ཚུ་ལུ་ གནོད་འཚུབ་བཀལ་ཏེ་ མི་གྲངས་ ༢༠ དམར་བསད་འབད་ཡོདཔ་ད་ བྱང་ཕྱོགས་ག་ཟ་ལུ་འབད་བ་ཅིན་ སྡོད་ཁྱིམ་དག་པ་ཅིག་ལུ་ར་ གནོད་འཚུབ་ཚུ་བཀལ་ཡོདཔ་ལས་ མི་གྲངས་ ༧ ལུ་ ཤི་རྐྱེན་བྱུང་ནུག།
ཨིཛ་རེལ་གཞུང་གིས་ ག་ཟ་ལུ་ ཕྱད་མདའ་དེ་ ཁོང་རའི་དམིགས་གཏད་ཁག་ ༢ ཡོད་མི་དེ་ མ་འགྲུབ་ཚུན་ འཕྲོ་མཐུད་ནི་གི་ ཁས་བླངས་འབད་འབདཝ་བཟུམ་ཅིག་འདུག་ཟེར་ཨིནམ་ད་ དེ་ཡང་ དམིགས་གཏད་དང་པ་དེ་ ཧ་མཱཛ་གིས་ འཛིན་བཟུང་འབད་དེ་ཡོད་མི་ཚུ་ ལོག་གཏང་དགོཔ་སྦེ་ཨིན་མི་དེ་ ཧ་ལམ་གྲུབ་ཡོད་རུང་ དམིགས་གཏད་ ༢ པ་ ཧ་མཱཛ་གི་དམག་སྡེ་ རྩ་མེད་བཟོ་ནིའི་དོན་ལུ་ གནོད་འཚུབ་ཚུ་ འཕྲོ་མཐུད་དེ་ར་ བཀལ་དོ་ཡོདཔ་ཨིན་པས།
བརྟག་དཔྱད་མཁས་མཆོག་ཅིག་གིས་ ཨིཛ་རེལ་གྱི་ རྒྱལ་ཡོངས་སྲུང་སྐྱོབ་བློན་པོ་ ཨི་ཏ་མར་ བེན་ཇི་བིར་ཟེར་མི་དེ་ ཧེ་མར་ཚར་ ༡ དགོངས་ཞུ་བཏང་ཡོད་རུང་ ད་རེས་ ལོག་སྟེ་ར་ བསྐོ་བཞག་འབད་ཡོདཔ་ལས་ ཕྱད་མདའ་མཚམས་འཇོག་དང་ འགྲིག་ཆ་བཟོ་ནི་གི་ ཐབས་ལམ་ལུ་ རྩ་ལས་ར་ མི་གནས་ནི་ཨིན་པའི་ བརྡ་མཚོད་སྟོནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: