འཛམ་གླིང་སྤྱི་ཚོགས་ཀྱི་ མཁས་མཆོག་གིས་ ཨིཛ་རེལ་དང་གཅིག་ཁར་ ཚོང་འབྲེལ་འཐབ་ནི་མེད་པའི་ནན་སྐུལ།

བི་བི་སི།

སྤྱི་ཟླ་ ༧ པའི་ཚེས་ ༣ ལུ་ འཛམ་གླིང་སྤྱི་ཚོགས་ཀྱི་ མཁས་མཆོག་ཅིག་གིས་ རྒྱལ་སྤྱིའི་ཚོང་སྡེ་ཚུ་གིས་ ཨིཛ་རེལ་དང་གཅིག་ཁར་ ཚོང་འབྲེལ་འཐབ་ནི་མེད་པའི་ ནན་སྐུལ་འབད་ཡོདཔ་ད་ དེ་ཡང་ ཨིཛ་རེལ་དང་གཅིག་ཁར་ ཚོང་འབྲེལ་འཐབ་མི་ཚུ་ལུ་ ག་ཟ་དང་ ཝེཛ་བེང་ས་ཁོངས་ཚུ་ནང་ ཕྱད་མདའ་དང་འབྲེལ་བའི་ ཉེས་པ་འཁྲི་ནི་ཨིནམ་སྦེ་ བཤད་ཡོདཔ་ཨིན་པས།

མཁས་མཆོག་ཕ་རཱན་སེཛ་ཀ་ ཨཱལ་བ་ནིཛ་གིས་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆ་ལྷན་ཚོགས་ནང་ སྙན་ཞུ་ཅིག་ ཕུལ་བའི་སྐབས་ལུ་ ཧ་མཱཛ་དང་གཅིག་ཁར་ དམག་འཁྲུག་ལང་མི་དེ་ནང་ འགན་འཁྲི་དང་ བལྟ་རྟོག་ག་ནི་ཡང་མེདཔ་སྦེ་ བཤད་ཡོད་རུང་ ཨིཛ་རེལ་གྱིས་ མོ་གིས་བཤད་མི་ ལོ་རྒྱུས་ཚུ་ལུ་ བདེན་ཁུངས་མེད་ལུགས་བཤད་ནུག།

འཛམ་གླིང་སྤྱི་ཚོགས་ཀྱི་ མཁས་མཆོག་ཚུ་ རང་དབང་ཅན་གྱི་ མཁས་མཆོག་གི་གྲངས་སུ་ཨིནམ་ད་ ཁོང་གིས་ འགྲོ་བ་མིའི་དབང་ཆ་དང་འབྲེལ་བའི་ གནད་དོན་ཚུ་གི་སྐོར་ལས་ སྙན་ཞུ་འབད་མི་སྦེ་ བསྐོ་བཞག་འབདཝཨིན་པས།

ཨི་ཊ་ལི་ལས་ རྒྱལ་སྤྱིའི་ཁྲིམས་དོན་རྒྱབ་མི་ཅིག་ཨིན་མི་ ཨཱལ་བ་ནིཛ་གིས་ ཨིཛ་རེལ་གྱིས་ ག་ཟའི་ཁྲོམ་ཚོགས་ལུ་ དེང་སང་གི་ འབྱུང་རབས་ནང་ ག་ནི་བ་ཡང་ སེམས་ངན་ཅན་གྱི་སྒོ་ལས་ མི་རིགས་རྩ་མེད་ཀྱི་ ལཱ་ཚུ་འབདཝ་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།