ཡུ་ཨེཛ་གིས་ ཡུ་ཀེ་རེན་ལུ་ གོ་མཚོན་བཀྲམ་སྤེལ་མར་ཕབ།

བི་བི་སི།

སྤྱི་ཟླ་ ༧ པའི་ཚེས་ ༣ ལུ་ ཡུ་ཀེ་རེན་གྱི་རྒྱལ་ས་ ཀི་ཡེབ་ལས་ བཤད་དོ་བཟུམ་འབད་བ་ཅིན་ ཡུ་ཨེཛ་གིས་ ཡུ་ཀེརེ་ན་ལུ་ གོ་མཚོན་བཀྲམ་སྤེལ་ འཕྲོ་རྒྱུན་གཅད་པ་ཅིན་ ལོ་ངོ་ ༤ འཁོར་བའི་ ཕྱད་མདའ་དེ་ ར་ཤི་ཡ་གིས་ ད་རུང་ཡང་ ཡུན་འགྱངས་སྦེ་ བཞག་ནི་ལུ་ རྒྱུད་སྐུལ་འབད་འོང་ཟེར་ཨིན་པས།

དེ་ཡང་ ཡུ་ཨེཛ་སྲུང་སྐྱོབ་ལས་ཁུངས་ཀྱིས་ རྒྱལ་ཁབ་གཞན་ཚུ་ལུ་ དམག་གི་རྒྱབ་སྐྱོར་དང་ གྲོགས་རམ་སྐོར་ལས་ བསྐྱར་ཞིབ་ཅིག་འབད་བའི་ཤུལ་ལས་ ཡུ་ཀེ་རེན་ལུ་ གོ་མཚོན་ལ་ལོ་ཅིག་ བཀག་ཆ་འབད་དགོ་པའི་ གྲོས་ཆོད་བཏོན་ནུག།

ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཛེ་ལེནཛ་ཀི་གིས་འབད་བ་ཅིན་ རྒྱལ་ཁབ་ ༢ ཀྱི་བར་ན་ གོ་མཚོན་བཀྲམ་སྤེལ་སྐོར་ལས་ ལོ་རྒྱུས་ཚུ་ སླབ་པའི་བསྒང་ཡོད་ཟེར་ཨིནམ་ད་ གོ་མཚོན་བཀྲམ་སྤེལ་ བསྣར་འགྱངས་ཐོག་ལུ་ ལུས་སོང་པ་ཅིན་ ར་ཤི་ཡ་གིས་ ཧེང་སྐལ་ར་ གནོད་འཚུབ་བཀལ་ནི་ལུ་ རྒྱུད་སྐུལ་འབད་འོང་ཟེར་ཨིན་པས།

ཡུ་ཀེ་རེན་གྱི་ སྲུང་སྐྱོབ་ལྷན་ཁག་གིས་ ཡུ་ཨེཛ་གི་ཁ་ཐུག་ལས་ གོ་མཚོན་བཀག་ཆ་འབད་ནིའི་སྐོར་ལས་ གཞུང་འབྲེལ་བརྡ་དོན་ཅིག་ ག་ནི་ཡང་ མ་ཐོབ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།