ལྷོ་ཀོ་རི་ཡ་གིས་ རྒྱལ་ཁབ་ ༢ ཀྱི་ ས་མཚམས་བདའ་སྟེ་ དམག་སྡེའི་ལས་སྣ་ལ་ལོ་ཅིག་ མཇུག་བསྡུ་ནི།

རོའི་ཊརཛ།

སྤྱི་ཟླ་ ༨ པའི་ཚེས་ ༡༥ ལུ་ ལྷོ་ཀོ་རི་ཡའི་སྲིད་འཛིན་ ལི་ཇཱེ་མི་ཡུང་གིས་ ལྷོ་བྱང་ཀོ་རི་ཡའི་བར་ན་ མཐུན་ལམ་ལེགས་སྒྱུར་ལུ་དམིགས་ཏེ་ རྒྱལ་ཁབ་ ༢ ཀྱི་ ས་མཚམས་བདའ་སྡེ་ དམག་སྡེའི་ལས་སྣ་ལ་ལོ་ཅིག་ མཇུག་བསྡུ་གཏང་ནི་ཨིན་ཟེར་གསུངས་ནུག།

དེ་ཡང་ ལྷོ་ཀོ་རི་ཡའི་ གཞུང་གི་ཁ་ཐུག་ལས་ ད་རེས་ འཁྲུག་འཛིང་ཅན་གྱི་ གནས་རིམ་ནང་ཡོད་མི་ ཁྱིམ་མཚེས་རྒྱལ་ཁབ་ ༢ ཀྱི་བར་ན་ མཐུན་ལམ་བཟོ་ནི་ལུ་ བརྩོན་ཤུགས་བསྐྱེད་པའི་ ལས་དོན་ཅིག་ཨིན་པས།

ཧེ་མ་ ཀོ་རི་ཡའི་ རྒྱལ་ཁབ་ ༢ ཀྱི་བར་ན་ སྤྱི་ཟླ་ ༩ པའི་ཚེས་ ༡༩ ཅན་མའི་ དྲག་པོའི་ཆིངས་ཡིག་ཡོངས་རྫོགས་ཟེར་མི་དེ་ སླར་ལོག་ཆ་གནས་ཡོདཔ་ བཟོ་ནིའི་དོན་ལུ་ ལྷོ་ཀོ་རི་ཡའི་ དམག་སྡེའི་ལས་སྣ་ལ་ལོ་ཅིག་ མར་ཕབ་འབད་ནི་ཨིནམ་ད་ ཆིངས་ཡིག་དེ་ཡང་ སྤྱི་ལོ་ ༢༠༡༨ ལུ་ རྒྱལ་ཁབ་ ༢ ཀྱི་བར་ན་ དབུ་ཁྲིད་ཞལ་འཛོམས་ཅིག་ ཚོགས་པའི་སྐབས་ལུ་བཟོ་ནུག།

ལྷོ་ཀོ་རི་ཡ་གིས་ རྒྱལ་ཁབ་ ༢ ཀྱི་བར་ན་ མཐུན་ལམ་གྱི་དོནལས་ ལག་ལེན་འཐབ་མི་ ལཱ་བྱ་ཚུ་ལུ་ བྱང་ཀོ་རི་ཡའི་ ཆེ་མཐོའི་འགོ་དཔོན་ཚུ་གིས་ ཆ་བཞག་མ་བཏུབ་པར་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།