མི་རྗེ་བློན་ཆེན་མཆོག་གིས་ ཐིམ་ཕུ་དགེ་བསྙེན་ཁ་ལུ་ སངས་རྒྱས་ཤ་མོའི་ དུས་སྟོན་འགོ་འབྱེད།

སྤྱི་ཟླ་ ༨ པའི་ཚེས་ ༡༥ ལུ་ མི་རྗེ་བློན་ཆེན་མཆོག་གིས་ ཐིམ་ཕུ་དགེ་བསྙེན་ཁ་ལུ་ ཉིན་གྲངས་ ༢ ཀྱི་ སངས་རྒྱས་ཤ་མོའི་དུས་སྟོན་ འགོ་འབྱེད་རྟེན་འབྲེལ་ནང་ དབུ་བཞུགས་མཛད་ཡོདཔ་ད་ དུས་སྟོན་དེ་ཡང་ བལྟ་བཤལ་ལས་ཁུངས་ཀྱི་ རྒྱབ་སྐྱོར་ཐོག་ལས་ དགེ་བསྙེན་རྒེད་འོག་གིས་ འགོ་འདྲེན་འཐབ་ནུག།

དུས་སྟོན་དེ་ནང་ ས་གནས་ཀྱི་ མི་སེར་དང་ སློབ་ཕྲུག་ བལྟ་བཤལཔ་ དེ་ལས་ གཞུང་གི་ལས་སྡེ་དང་ ལས་ཁུངས་ཁག་གི་ནང་ལས་ འགོ་དཔོན་ཚུ་གིས་ གྲལ་གཏོགས་འབད་ཡོདཔ་ཨིན་པས།

དེ་ཡང་ རྒེད་འོག་གི་ ཁྱད་ཆོས་ཅན་གྱི་ ལམ་སྲོལ་དང་ གནས་གོང་མཐོ་བའི་ སངས་རྒྱས་ཤ་མོའི་ དུས་སྟོན་སྦེ་ བརྩི་སྲུང་ཐོག་ལས་ དུས་སྟོན་དེ་ནང་ འོང་མི་ཚུ་ལུ་ ལམ་སྲོལ་གྱི་ལྟདམོ་དང་ ས་གནས་ཀྱི་བཟའ་འཐུང་ མི་སྡེའི་ལས་སྣ་ལ་སོགསཔ་ཚུ་ ངོམས་ནིའི་གོ་སྐབས་ གསལ་སྟོན་འབད་ཡོདཔ་ད་ ལུང་ཕྱོགས་ནང་ དཔལ་འབྱོར་བལྟ་བཤལ་དང་ ཡུན་བརྟན་ཅན་གྱི་ འཚོ་རྟེན་ཚུ་ གོང་ཕེལ་གཏང་དོ་ཡོད་པའི་གནས་ཚུལ།