ཡུ་ཨེཛ་གིས་ རྒྱལ་ཁབ་ནང་ འཛུལ་ཞུགས་ཆོག་ཐམ་ ས་ཡ་ ༥༥ བསྐྱར་ཞིབ་འབད་ནི།

བི་བི་སི།

སྤྱི་ཟླ་ ༨ པའི་ཚེས་ ༢༢ ལུ་ ཡུ་ཨེཛ་གི་ རྒྱལ་ཁམས་དྲུང་ཆེན་གྱིས་ བཤད་དོ་བཟུམ་འབད་བ་ཅིན་ ཕྱི་མི་ཚུ་གིས་ ནང་བསྐྱོད་ཚུལ་མཐུན་འབད་ཡོད་མེད་དང་ རྒྱལ་ཁབ་ནང་ སྡོད་རིང་ལུ་ གནས་ཚིག་ལས་ འགལ་བ་ཡོད་མེད་ཚུ་ བརྟག་དཔྱད་ཀྱི་དོན་ལས་ འཛུལ་ཞུགས་ཆོག་ཐམ་འཆང་མི་ ས་ཡ་ ༥༥ ལྷགཔ་ཅིག་གི་ རྒྱབ་རྟེན་ཡིག་ཆས་ཚུ་ བསྐྱར་ཞིབ་འབད་བའི་བསྒང་ཡོད་ཟེར་ཨིན་པས།

དེ་ཡང་ འཛུལ་ཞུགས་ཆོག་ཐམ་གྱི་ དུས་ཡུན་ལས་བརྒལ་ཏེ་ ཡུ་ཨེཛ་ལུ་ སྡོད་མི་དང་ མི་མང་གི་ ཉེན་སྲུང་ལུ་ ཉེན་ཁ་ཡོད་མི་ དྲག་ཐོག་དབང་བཙོང་གི་ སྡེ་ཚན་ཚུ་ལུ་ རྒྱབ་སྐྱོར་ཡོད་པའི་ བརྡ་སྟོན་རེ་ཡོད་པ་ཅིན་ ཆོག་ཐམ་ཆ་མེད་གཏང་ནི་ཨིནམ་སྦེ་བཀོད་ནུག།

ད་ཚུན་གྱི་བར་ན་ ཕྱི་མི་ལེ་ཤ་ཅིག་ རྒྱལ་ཁབ་ནང་ལས་ བཏོན་བཏང་པའི་ཁར་ ཕྱི་རྒྱལ་ཁག་ལས་ ཡུ་ཨེཛ་ལུ་ འགྲུལ་བསྐྱོད་འབད་མ་ཆོགཔ་བཟོ་སྟེ་ སློབ་ཕྲུག་ ༦,༠༠༠ དེ་ཅིག་གི་ ཆོག་ཐམ་ཚུ་ཡང་ ཆ་མེད་བཏང་ཡོདཔ་ཨིན་པས།

དེ་བཟུམ་མའི་ བསྐྱར་ཞིབ་དང་འབྲེལ་ཏེ་ ཡུ་ཨེཛ་གི་ མི་སེར་དང་ ལམ་སྲོལ་ ཡང་ཅིན་ གཞུང་ལུ་ ངལ་མ་རངས་པའི་ བརྡ་སྟོན་ཚུ་ཡོད་མེད་ བརྟག་ཞིབ་ཀྱི་དོན་ལས་ ཕྱི་ལས་འོང་མི་ སློབ་ཕྲུག་དང་ འགྲུལ་པ་ཚུ་གི་ མི་སྡེ་བརྡ་བརྒྱུད་ཚུ་ཡང་ ནན་ཞིབ་འབད་ནི་ཨིན་པས་ཟེར་ བཀོད་འདུག་པའི་གནས་ཚུལ།