ཌེན་མཱག་གི་ གནམ་ཐང་ཚུ་དང་ གནད་འགག་ཆེ་བའི་ ས་ཁོངས་ཚུ་ནང་ ཌཱོན་འཕུར་འགྲུལ།

རོའི་ཊརཛ།
སྤྱི་ཟླ་ ༩ པའི་ཚེས་ ༢༧ ལུ་ ཌེན་མཱག་དམག་སྡེ་གིས་ བཤད་དོ་བཟུམ་འབད་བ་ཅིན་ བདུན་ཕྲག་འདི་ནང་ གནམ་ཐང་ཚུ་དང་ གནད་འགག་ཆེ་བའི་ ས་ཁོངས་ཚུ་ནང་ ངོས་འཛིན་འབད་མ་ཚུགས་པའི་ མཁའ་དམག་འཕྲུལ་ཆས་ ཌཱོན་ལེ་ཤ་ཅིག་ འཕུར་འགྲུལ་འབད་སར་ མཐོང་ཡོདཔ་སྦེ་ཨིན་རུང་ ས་ཁོངས་ཚུ་གི་སྐོར་ལས་ གསལ་བཀོད་འབད་མ་བཏུབ་ཨིན་པས།
ཨིན་རུང་ ཁྲིམས་སྲུང་འགག་སྡེ་གིས་ ནུབ་ཕྱོགས་ཌེན་མཱག་ལུ་ཡོད་མི་ ཀ་རུབ་གནམ་ཐང་ཉེ་འདབས་ཀྱི་ མཁའ་དབྱིངས་ལུ་ མཐོང་ཡོདཔ་སྦེ་ རིཊ་ཟའུ་ཟེར་མི་ གནས་ཚུལ་ལས་སྡེ་ལུ་ གསལ་བཤད་འབད་ནུག།
སྤྱི་ཟླ་ ༩ པའི་ཚེས་ ༢༢ ལུ་ ཀོ་པེན་ཧེ་གན་གྱི་ གནམ་ཐང་དེ་ དུས་ཡུན་ཆུ་ཚོད་ ལེ་ཤ་ཅིག་གི་རིང་ལུ་ སྒོ་བསྡམས་དགོཔ་ བྱུང་ཡོདཔ་མ་ཚད་ ཞི་བའི་མི་སེར་དང་ དམག་སྡེའི་གནམ་ཐང་ཆུང་བ་ ༥ ཡང་ ཉིན་གྲངས་ལེ་ཤ་ཅིག་ སྒོ་བསྡམས་དགོཔ་ བྱུང་ཡོདཔ་ཨིན་པས།
ཌེན་མཱག་གི་བློན་ཆེན་ མེ་ཊི་ཕེ་རེ་ཌི་རིག་སེན་གྱིས་ ཌེན་མཱག་གི་ གནད་འགག་ཆེ་བའི་ ས་ཁོངས་ཚུ་ནང་ གནོདཔ་བཀལ་མི་དེ་ མ་རུངམ་ཅིག་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: