མི་དབང་ཞབས་ལས་ ཡོངས་ཁྱབ་དྲུང་ཆེན་དང་ སྤྱི་འཛིན་ ཕྱི་འབྲེལ་དྲུང་ཆེན་ཚུ་ གསར་བསྐོས་ཐོག་ལུ་ བཀྲིས་ལེགས་དར།

སྤྱི་ཟླ་ ༡༡ པའི་ཚེས་ ༢༥ ལུ་ མི་དབང་མདག་རིན་པོ་ཆེའི་ཞབས་ལས་ རྒྱལ་ཡོངས་ཚོགས་འདུའི་ ཡོངས་ཁྱབ་དྲུང་ཆེན་དང་ རྒྱལ་གཞུང་དངུལ་ལས་དབང་འཛིན་གྱི་སྤྱི་འཛིན་ ཕྱི་འབྲེལ་དྲུང་ཆེན་ ༣ གསར་བསྐོས་ཐོག་ལུ་ བཀྲ་ཤིས་ལེགས་དར་གནང་ཡི།

དེ་ཡང་ གསོ་བའི་ལྷན་ཁག་ སྨན་རིགས་བཀྲམ་སྤེལ་དང་ གསོ་བའི་གཞི་རྟེན་ལས་ཁུངས་ནང་ ཡོངས་ཁྱབ་མདོ་ཆེན་སྦེ་ ཕྱག་ཞུ་མི་ རིན་ཆེན་རྡོ་རྗེ་དེ་ རྒྱལ་ཡོངས་ཚོགས་འདུའི་ ཡོངས་ཁྱབ་དྲུང་ཆེན་སྦེ་ བསྐོ་བཞག་གནང་ནུག།

རྒྱལ་གཞུང་དངུལ་ལས་དབང་འཛིན་གྱི་ སྤྱི་འཛིན་གསརཔ་སྦེ་ དབང་འཛིན་དེ་ནང་ར་ སྤྱི་འཛིན་འོགམ་སྦེ་ ཕྱག་ཞུ་མི་ དབྱངས་ཅན་མཚོ་རྒྱལ་དེ་ བསྐོ་བཞག་གནང་ཡོདཔ་ཨིན་པས།

ཕྱི་འབྲེལ་དྲུང་ཆེན་དེ་ ནིའུ་ཡོག་ལུ་ འཛམ་གླིང་སྤྱི་ཚོགས་ནང་ འབྲུག་གི་གཏན་འཇགས་སྐུ་ཚབ་ ཡིག་ཚང་ནང་ གཞུང་ཚབ་སྦེ་ ཕྱག་ཞུ་མི་ པདྨ་ལེགས་གྲུབ་རྡོ་རྗེ་དེ་ བསྐོ་བཞག་གནང་ཡོད་པའི་གནས་ཚུལ།