བསམ་གྲུབ་ལྗོངས་མཁར་ལུ་ ཚོང་ལཱའི་སྒྲིག་འཛིན་གྱི་ གྲོས་བསྟུན་ཞལ་འཛོམས།

སྤྱི་ཟླ་ ༨ པའི་ཚེས་ ༧ ལུ་ བཟོ་གྲྭ་ཚོང་འབྲེལ་དང་ ལཱ་གཡོག་ལྷན་ཁག་གིས་ བསམ་གྲུབ་ལྗོངས་མཁར་ལུ་ རྫོང་ཁག་བདག་སྐྱོང་དང་ བསམ་ལྗོངས་ཁྲོམ་སྡེའི་ཚོང་པ་ དེ་ལས་ ལུང་ཕྱོགས་ཡིག་ཚང་ཚུ་གི་ ངོ་ཚབ་ཚུ་དང་གཅིག་ཁར་ གྲོས་བསྟུན་ཞལ་འཛོམས་ཅིག་ འགོ་འདྲེན་འཐབ་ནུག།

ཞལ་འཛོམས་དེ་ནང་ རྫོང་ཁག་ནང་གི་ ཚོང་ལཱའི་སྒྲིག་འཛིན་དང་ བལྟ་བཤལ་འོག་གི་ མཐུན་རྐྱེན་ཉུང་མཐའ་གསར་བཏོད་ དེ་ལས་ བསྐྱོད་ཡུལ་འཛིན་སྐྱོང་ཚུ་གི་ གནས་སྟངས་ལུ་ གཙོ་བོར་བཟུང་ཡོདཔ་ཨིན་པས།

ཞལ་འཛོམས་ནང་ གྲལ་གཏོགས་འབད་མི་ཚུ་གིས་ ཚོང་ལཱ་དང་འབྲེལ་བའི་ དོ་འགྲན་ཚུ་དང་ སྒྲིག་འཛིན་གནས་སྟངས་ལེགས་སྒྱུར་ཚུ་ འཚོལ་ཞིབ་འབད་དེ་ རྫོང་ཁག་དེ་ཁར་ བལྟ་བཤལ་གྱི་ ཞབས་ཏོག་བཙན་ཐབས་འབད་ནི་དང་ ཡུན་བརྟན་བསྐྱོད་ཡུལ་འཛིན་སྐྱོང་ གོང་འཕེལ་གཏང་ནིའི་དོན་ལུ་ བལྟ་བཤལ་འོག་གི་ མཐུན་རྐྱེན་ཉུང་མཐའ་ གསར་བཏོད་སྐོར་ལས་ གོ་དོན་ཚུ་ ལེན་ཡོད་པའི་གནས་ཚུལ།